Transcription
1Messieurs, jay [barré : demeré ] attendu long btemps à vous escripre, pretendant vous advertir
2
des responces que jauroys sur mon cayet. Le mardy XXVIe de ce mois, monsieur
3
d’Evenes et moy fusmes appellé dans le conseil du roy en ses affaires et en nostre
4
presence, monsieur de Limoges fist son rapport du contenu audit cayer, y adioustant
5
ce que se trovoit conforme à celuy des memoyres et lettres de monseigneur de Gordes.
6
Après, monsieur d’Evenes print la parolle, touchant quelques particularitez des
7
memoyres de monseigneur de Gordes pour le fait des Suisses, comme ie fis encors
8
après luy, reprennant tous les pointz et articles dudit caiet, tant seur la
9
prompte resolucion que sa magesté devoit prendre . [ajouté : .ou] pour restablir la paix dans le
10
pays, ou pour donner moyen à son lieutenant general de sasir de lafaire et de
11
la soustenir ; que sur ce quest de la despence supportée et des libertés et polices
12
du païs. Ie nobliay pas à parler du deportement des compagnies des ordonnances ; et de
13
bonne fortune, javois receu ung peu auparavant vostre lettre du XIIIIe janvier de
14Valence comme iattendois [barré : jall ] à la porte de la chanbre du roy avec monsieur
15
d’Evènes pour estre appellés, et de laquelle votre lettre ie fis lecture de mot en mot
16
au roy et aux princes et seigneurs qui luy adsistoient en fort grand nombre. Il
17
est vray que ie ni voulus comprendre celle de monseigneur le prince nostre
18
gouverneur, daultant quil adsistoit là, estant arrivé le iour precedent XXVe.
19
Ce que ie vous en puis faire entendre à presant est que le roy envoye cinq
20
cens hommes darmes et XV compagnies de deux cents hommes par delà,
21
avec moyen destre paié chascun mois, les conpagnies, gens de pied et la
22
cavallerie, de cartier en cartier et ce sans aucune faulte, et artillerie et
23
munitions en bon nombre, de quoy tant des compagnies de gens de pied et de
24
chevalye . [. artillerie], monseigneur de Gordes retiendra ce que sera necessaire pour son
25
gouvernement, le reste passera en Languedoc, faisant au reste sa magesté
26estat de sapproucher bien toust avec [barré : aultres forces ] plus grandes
27
forces en propre personne. Voilà quant à la deffence du païs.
28
Et en consideration des despences soustenues par la guerre, le roy
29
quitte au païs la somme de XXIIII m[ille] L. ts. deue par la composicion du vin pour lannée
30
dernier et les deniers ordonnés à estre levés pour le voiage du roy de Poulogne,
31
remet le payement des deniers de la submencion [sic] generalle par moittié au premier
32
jour de may et à la Saint Jehan Batiste. Le roy na pas au surplus voulu toucher en
33
general à la revoccation des vacations octroyées à cause quil y en a que
34concernent quelques princes, mais monsieur de Limoges ma dit que [barré : je ] luy
35
baille memoyre de celles quont esté obtenues par personnes dauttre
36
qualité non fondées en suffisantes recusacions, suivant les ordonnances,
37
et quil les fera toutes ranvoyer au parlement de Dauphiné ; au reste que
38
le roy fait declaration de nen donner aucune par cy après, sinon suivant ces
39
edits et ordonnances et que on en expediera de nouveau lettres de declaration
40
et que par là, il ni aura lieu de ce plaindre des pareatis dores en advant
41
sans que iaye peu savoir encor ce que a esté resolu sur larticle desdicts
42
pareatis. Quant à la plainte des exemptés de la taille couchée
43
suivant vous memoyres audit cayet, le roy veult entendre les non et qualités
44
[55 v°] de ceulx qui pretendent laditte exemption et promet de faire bien toust ung
45
reiglement general au soulagement des pouvres tailliables parce que mondit
46
sieur de Limoges ma dit : « je nay pas grande esperance pour le compte de la
47
recepte generalle », et me prins garde dans le conseil que sur cest article,
48
monsieur levesque de Paris sémeut aucunement comme ne le trouvant
49
bon et pense que quelquun a donné advis à messieurs des comptes de Paris
50
de ma poursuitte, car monsieur le president Nicolay arriva en ceste court [le]
51
jour après où il est encor pour les petitz seaux. Le roy veult savoir silz
52
nont jamais esté establis dans le païs pour les contratz et avoir sur ce
53
ladvis de sa court de parlement de Grenoble ; quant à luniversité de Grenoble,
54
le roy ne peult revocquer la reduction quil en a fait à celle de Vallence
55
presentement ; et pour la reffetion des murs de Valence et de Romans, il ney
56
pas donné grande esperance den obtenir quelque bien fait du roy ; bien est
57
il dit que si les habitans veullent augmenter leurs deniers communs
58à cest [barré : e ] effet ou de nouveau ietter quelque chose sur eux, que le roy leur
59
en octroiera lettres. Voilà, messieurs, ce que jay apprins de la bouche de
60monsieur de Limoges, qui ma dit quil [barré : deselera ] decretera les articles et les
61
envoyra à monsieur de Sauve pour les signer, après les avoir fait signées
62
au roy. Lors, ie veray plus à plain ce quil en sera et vous en advertiray
63
soudain, ce pendant iay vous devois donner advis de ce que dessus ///
64
[56] O +++ Jey receu le XXVIe votre segonde lettre du XIIIIe et votre procès verbal sur le
65
faict des voytures du sel. Le tout est encores entre mes mains pour estre
66
le conseille occuppé aux affayres et doleances des provinces quil ny a en-
67
core eu povoyr fère parler, mais ce sera à la première commodité. Au
68
demeurant, je vous ay donné asseurance de la declaration et ampliation
69
de la volunté du roy sur la commission des voytures et vous promet de
70
rechef que vous laurés. Elle est, il y a fort long temps, sus le seau,
71signée en [barré : tout ] queue par monsieur de Saint-Bonet et par monsieur de Sauve,
72
qui en a receu le commandement, mays les affayres du conseille occupent
73
tant monsieur le chancellier qui ne peult parmy des maladies quil
74
a vacquer à seeler. Jeusse desyré pour le surplus que vous meussiés
75
plus ouvertement fayct entendre si votre intention est que je lève
76
quelques provisions sus le Ixe et XIIIe article du bail de Compiegne
77
don vous mavés envoyé les extrayts, car vous ne mavés pas escrit
78
à queles fins.
79
Je ne veulx pas oblier à vous dyre de quelle affection monsieur larcevesque
80
d’Ambrun ambrasse tout ce qui est du solagement de tous les estatz du
81
païs à quoy il peult beaucop, estant au jourdhui après messieurs les
82
cardinaulx le Ve ou VIe de la robe longue qui sont seantz au conseille
83
privé du roy qui ne sera petit bien pour ce pays en géle
84
particulier. Je nespère pas, messieurs, vous escrire beneral et en
85
foys dores en avant que le temps de mon retour devers vous aprochera.
86
Je presente etc …
87
Monsieur d’Evènes vous presente ses humbles recommandations. Nous vous eussions
88
fayct ceste ensemblement, mays il est logé à Saynt-Germain et
89
moy en ce lieu de Poissy. Cest dudit lieu du XXXe janvier.
90
Monsieur d’Evènes et moy receumes hier vos lettres du XIIIe janv ier
91
pour requerir suppression des offices. Le cahier se treve presenté
92
et respondu, nous y ferons pourtant notre debvoyr, mays loffice
93
de monsieur Rival a esté donné à des medecins qui ont lestomac trop
94
bon pour rendre gorge. On tient celuy de feu monsieur Vilieu pour
95
surprimé, mays jey peur que ce soyt seulement pour ceulx qui le
96
pourroyent demander en don.
97
/// [suite recto 55] Quant au cayer de messieurs du clergé, il y a huit jours ou X que
98
les receveurs generaulx des decimes ont escrit à leurs commis à
99
Lion ne molester les diocèzes pour les restes de ce quilz doybvent,
100
et de ce jourduy, le roy a accordé les rabays et dechargement
101
de la somme de X mil livres qui seront deduites aux beneffices
102
don les biens se trovent occuppés et ruynés dans le Daulphiné,
103
de quoy je lèveray les provisions necessayres ; et pour le surplus
104
de leurs articles, jestime quil sy fera reglement general
105
pour tout le royaulme.
106
[56 v°] du XXVIIIe arriva icy ung soliciteur pour les eclesiastiques de Brianssonnoys,
107
et du jourdhuy, jay receu dans une despeche de monsieur de Gordes les
108
memoyres et doleances des habitans dudit Brianssonnoys, de quoy jey
109
dressé articles et requeste que jay mis par escrit et remis à monsieur
110
de Lymoges avec la plus grande diligence qui ma esté possible.
111
Jey grand regret ne les avoyr eu plustost, car jay grand peur quil
112
ny aye beaucop de poyne et longueur de les fayre voyr et respondre.
113
Jay receu aussi celles de Gap, tant de la part de monsieur levesque,
114
que de monsieur le vibailli et des consulz, mays je ny ay trové chose
115
aucune particulière et qui ne soyt comprinse en mon cayer general et
116
en celuy general du clergé.
117
Le XXe, messieurs le chancelier et Morvilier vuydarent de rechef
118
larrest pour la blanque de Peccaix, les quelz en avoyent prins la
119
commission et la charge, et est ledit arrest ez mains du greffier
120
du conseill que je soliciteray mespedier et la commission pour le payement
121
diceluy, le quel je vous porteray, ensemble les lettres pour estre
122
dechargé des gabeles extraordinayres pour le sel non tyré. Laccord
123
est passé pour le regard des participes et seigneur de Boigas, du quel
124
je vous envoyeray bien tost la coppie. Il y a heu arrest à paris
125
par les commissayres sus noz instances, mays il est interloqutoy-
126
re comme le precedant.
127
Je oublioys à vous dyre que sur la plainte contenue audit caiet
128
des recherches du procureur du roy au faict du sel, monsieur de
129
Lymoges ma dit quil sen estoyt volu informer envers les
130
commissayres et quil avoyt sceu et lavoyt rapporté au roy
131
que lon y avoyt procedé doulcement contre le païs, quil ni
132
avoyt heu arrest du quel on se puisse plaindre et que pour le
133
surplus on sasseura que les comptes du tyrages qui sest fayct
134
jusques icy ouy à la part du païs on pourvoyeroyt que le
135
païs demeureroyt sans plainte et sans perte O+++